ඔබ ලැප්ටොප් එකක් භාවිතා කරනවානම් පහත කරුණු ගැන සැලකිලිමත් වන්න
ලැප් එක ඇඳ උඩ තියාගෙන පාවිච්චි කරන්න එපා. එවිට යට තියෙන වාතකවුලු වැසී එහි තාපය පිටතට යා නොහැකි වෙනවා. එවිට ඇතුලේ ඇති කොටස් රත් වෙලා හානි වෙන්න පුළුවන්.
එහි පියන වැසූ පසු එය ක්රියාකාරී තත්වයේම තියෙන ලෙස සකසන්න එපා. එය ස්ලීප් හෝ හයිබනේට් හෝ ෂට් ඩවුන් වෙන්න සකසා ගන්න.
බොහෝ වෙලාවක් පාවිච්චි කල පසු එහි පියන වසා බෑග් එකට නොදමන්න. එහි රස්නය මදක් හෝ අඩුවන තුරු පියන විවෘත කර තබන්න.
එහි තිරය ඇගිල්ලෙන් හෝ වෙනත් දෙයකින් ඔබන්න එපා. එයට බර පැටවෙන්න දෙන්න එපා.
එහි තිරය පිරිසිදු කරන විට පිරිසිදු ආසුත ජලයෙන් එය පිස දැමීම සඳහා සුදුසු රෙදි කෑල්ලකින් පොගවා පිරිසිදු කරන්න. නැතිනම් පිරිසිදු කාරක ද්රාවණයක් මිලදී ගන්න. වෙනත් කිසිදු ද්රාවණයක් ඉතා හොඳ අනුදැනුක් සහිත කෙනෙකුගේ නිර්දේශයක් නොමැතිව භාවිතා නොකරන්න.
එහි යතුරු පුවරුවේ ඇති යතුරු මතට වේගයෙන් තඩි බාන්න එපා. එය ඉතා සෙමෙන් ඔබන්න.
දැඩි හිරු රශ්මියට හෝ පින්නට ආවරණය කරන්න එපා.
ඩී වී ඩී ධාවකය මත කිසිදු සංයුක්ත තැටියක් තබන්න එපා, සංයුක්ත තැටිය භාවිතා කල පසු එය ධාවකයෙන් ඉවත් කරන්න.
බ්ලුටූත් වයි ෆයි අවශ්ය නොමැති විට ක්රියාවිරහිත කර තබන්න.
ඔබ බැටරියෙන් වැඩ කරනකොට එය වැඩි වෙලාවක් තබා ගැනීමට එහි තිරයේ එලිය හැකිතරම අඩු කරන්න.
No comments:
Post a Comment